இயேசுவின் சீடராய்

இயேசுவின் சீடராய் வாழ இனியவழி அது அன்பு வழி
இடர் பல எதிர்வரும் போதும்
அவர் வழி வாழ்ந்திட உதவும்
அன்பு அது அன்பு அன்பு அது அன்பு....(2) இயேசுவின்

மலைகளை பெயர்த்திடும் வலிமையும்
பல மொழி பேசும் திறமையும்
எமக்கிருந்தாலும் பயனில்லை என்
இயேசுவைத் தொடர்ந்திடும் வழியில்லை
இதயங்களை இணைக்கின்ற‌
இனிய மொழி இருக்கின்றது
அன்பு அது அன்பு அன்பு அது அன்பு....(2) இயேசுவின்

இறைவாக்கு வ‌ர‌ம் என‌க்கிருந்தாலும்
ம‌றைபொருள் யாவும் தெரிந்தாலும்
அறிவு வ‌ர‌ம் இருந்தாலும்
அதுவும் ஒருநாள் அழிந்து விடும்
விசுவாச‌ம் ந‌ம்பிக்கை அன்பு
இத‌ன் விலையாய் இருப்ப‌து ஒன்று
அன்பு அது அன்பு அன்பு அது அன்பு....(2) இயேசுவின்